ڕشک و ئەسپێ

خۆپاراستن و چارەسەری ڕشک و ئەسپێ

KTI

ئەسپێ ناو سەری مرۆڤ قەبارەی بە قەد دەنکە کونجیەک ئەبێ و شێوەی لاشەی لەبزینەیە و شەش قاچی هەیە،کاتێک لە تەمەنی هەراشیدایە ڕۆژانە ٨ هێلکە دادەنێ و بەو هێلکانەی کە بە قژەکەوە دەبینرێت و وەک کڕێش دێتە پێش چاو بەڵام بە پێکهاتەیەکی شێوە کەتیرەیەیی بە تاڵەکانی قژەکەوە چەسپیان دەکات و بە تەکاندن لێنابێتەوە و بەوەش جیا دەکرێتەوە لە کڕێشی سەر کە پێی دەوترێت ڕشک

ئەسپێ توانای بازدان و فڕینی نیە بۆیە تەنها بە بەرکەوتنی ڕاستەوخۆی بە سەرین و جل و بەرگ و کڵاو و شانە و ئەو پێداویستیانەی بەر قژی کەسی توشبوو دەگوێزرێتەوە کەبەر قژی دەکەوێت

پاش ئەوەی کە ئەسپێکە چو سەری کەسێکی تازەوە ڕۆژانە ٨ بۆ ١٠ ڕشک دادەنێت ، هەر ڕشکێک بۆ ئەوەی بگاتە ئەوەی توانای زاوزێی هەبێت پێویستی بە نێر و مێیە و ١٨ ڕۆژی پێویستە بۆ گەشەی بۆ دانانی  یەکەم ڕشکی نوێ وە ٣٢ ڕۆژی پێویستە بۆ ئەوەی بگاتە ئەوەی ڕۆژانە ٨ هێلکە(ڕشک) دابنێتەوە 

بۆ چارەسەرکردنی لە ئێستادا شامپۆ و سپرای تایبەت هەیە کە لە دەرمانخانە و نۆڕینگەکان دەست دەکەوێت لە گەڵ شانەی تایبەت بە لێکردنەوەی ڕشکەکان و ئەسپێ مردوەکان . وە پێویستە ئەو پێداویستیانەی کەسی توشبوو کە دەشۆردرێن وەک بەرگی پشتی و شانە و کڵاو و بەتانی و هتد بشۆردرێن بە ئاوی گەرم و پاکەرەوە، وە ئەوانەی ناشۆردرێت بکرێتە زەرفی گەورەوە و سەری ببەسترێت لەبەر خۆردا دابنرێتبۆ ماوەی ٧٢ سەعات بۆ ئەوەی هەوای بۆ نەچێت و بەگەرمی و نەبونی خواردن لەناوبچێت چونکە ئەسپێکان خواردنیان لەسەر خوێنی خانە خوێکەیە پاش بەربونەوەیان بە ٢٤ سەعات دەمرن

 بۆ خۆپاراستن لە ڕشک و  ئەسپێ  پێویستە هۆشیاری زیاتر بڵاو بکرێتەوە لە ڕێگەکانی گواستنەوەی و چارەسەرکردنی بە زووی  و بە کارهێنانی شتی تایبەت بە کەسی و بەکارنەهێنانی شانە و سەرین و نەگۆڕینەوەی کڵاو و هتد

ئامادەکردنی م هەردی حسن رسول

مامۆستا لە بەشی پەرستاری

<< >>