خۆپاراستن و کۆنتڕۆڵکردنی هەوکردن
خۆپاراستن و کۆنتڕۆڵکردنی
توشبوون: نوێنەرایەتی پێکهاتەیەکی گرنگی پێشکەشکردنی
چاودێری تەندروستی دەکات کە ئامانجی کەمکردنەوەی
گواستنەوەی هۆکارە توشبووەکانە لەناو شوێنەکانی چاودێری تەندروستیدا. گفتوگۆی ئەکادیمی
جەخت لەسەر ڕێبازێکی فرەلایەنە دەکاتەوە کە ستراتیژی جۆراوجۆر لەخۆدەگرێت بۆ کەمکردنەوەی
مەترسی توشبونەکانی پەیوەست بە چاودێری تەندروستی. ناوەندی ئینفێکشن کۆنتڕۆڵ جەختدەکاتەوە
لە جێبەجێکردنی هەنگاوەکانی پاکوخاوێنی دەستەکان لە نێوان کارمەندانی چاودێری تەندروستیدا، چونکە
دەستی پیس وەک سەرچاوەیەکی سەرەکی و گرنگ بۆ
گواستنەوەی میکرۆب کاردەکات.
سەڕەڕای ئەوەش، پاراستنی
ژینگەیەکی پاکی چاودێری تەندروستی لە ڕێگەی پڕۆتۆکۆڵەکانی پاککردنەوە و تەعقیمکردنی
ڕۆتینی پێویستە لە کەمکردنەوەی کۆگاکانی ماددە
نەخۆشخوازەکان.
جگە لەوەش، بەکارهێنانی
ئامێری خۆپارێزی کەسی لەوانەش دەستکێش، جل و بەرگ، دەمامک و پاراستنی چاو، خزمەت بە
پاراستنی هەردوو کارمەندانی چاودێری تەندروستی و نەخۆشەکان دەکات.
لە کۆتایدا دەتوانرێت
ڕێوشوێنی کاریگەری خۆپاراستن و کۆنتڕۆڵکردنی توشبوون دابنرێت بۆ پشتگیرکردن لە بەرزترین
ستانداردەکانی کوالێتی چاودێری تەندروستی و دەرئەنجامەکانی نەخۆش.
چۆن هەوکردنەکان بڵاودەبنەوە؟
میکرۆبەکان بەشێکن لە
ژیانی ڕۆژانە و لە هەوا و خاک و ئاو و لە ناو جەستەمان و لەسەر جەستەماندا هەیە. هەندێک
میکرۆب یارمەتیدەرن، هەندێکی تر زیانبەخشن. زۆرێک لە میکرۆبەکان لەناو جەستەمان و لەسەر
جەستەمان دەژین بەبێ ئەوەی زیان بە جەستەمان بگەیەنن و تەنانەت هەندێکیان یارمەتیمان
دەدەن بۆ ئەوەی تەندروست بمێنینەوە. بڵاوکردنەوەی هەوکردن بەدوای زنجیرەیەک ڕووداودا
دێت کە بە زنجیرەی توشبوون ناسراوە، کە لە شەش پەیوەندی بەیەکەوە گرێدراو پێکدێت:
1. مایکرۆئۆرگانیزمە
نەخۆشخەرەکان: وەک بەکتریا، ڤایرۆس..، مایکرۆئۆرگانیزمەکان لە شێوازی گواستنەوە و توشبونیاندا
جیاوازن.
2. سەرچاوە: ئەو
ژینگەیەیە کە مایکرۆئۆرگانیزمەکان تیایدا دەتوانن بژین و زۆرببن، وەک مرۆڤ، ئاژەڵ،
ڕوکاری ژینگەیی، خۆراک و ئاوی پیس بگرێتەوە.
3. دەروازی دەرچوون:
چۆن لە سەرچاوەکەوە دێتە دەرەوە، بۆ نمونە دەتوانێت لە ڕێگەی شلەی جەستە بێت (خۆێن،
لیک..)، برینەکانی پێست، یان دەردراوەکان.
4. شێوازەکانی گواستنەوە:
وەک بەرکەتنی ڕاستەوخۆ،(دەست لێدانی جەستەیی)، بەرکەتنی ناڕاستەوخۆ(ڕووکاری پیس وەک
دەسکی مەحاجەرە و دەرگا
5. دەروازەی چوونەژوورەوە:
چونەژورەوەی مایکرۆئۆرگانیزمەکە بۆ نمونە لە ڕێگەی ئامێرە پزیشکیەکان، بڕینی پێست،
ڕێڕەوی هەناسەدان..
6. خانەخوێی ئامادە:
لە کۆتایدا زنجیرەی توشبوون بەندە بە بوونی خانەخوێیەکی ئامادە کە سیستمی بەرگری کاریگەر
نییە بەرامبەر بە هۆکاری توشبوو. ئەو هۆکارانەی کە کاریگەریان لەسەر ئامادەیی خانەخوێیەکە
هەیە بریتین لە تەمەن، سیستمی بەرگری جەستە، خۆراک..)
تێگەیشتن
و پچڕانی هەر بەربەستێک لە زنجیرەی توشبوون زۆر پێویستە بۆ ڕێگریکردن و کۆنتڕۆڵکردنی
بڵاوبونەوەی نەخۆشییە درمییەکان. ڕێوشوێنە کاریگەرەکانی خۆپاراستن لە توشبوون سەرنج
دەخەنە سەر شکاندنی ئەم زنجیرەیە لە ڕێگەی ڕێوشوێنی خۆپارێزی ستاندارد، و ڕێوشوێنی
خۆپارێزی لەسەر بنەمای گواستنەوە.
